早前癲力批評熱時,為咗課金,竟然有主持要下半身浸城門河。而癲力話城門河污水問題嚴重,絕對唔係危言聳聽。只要粗略搵吓資料,都知城門河係非常污糟! 熱青城班白痴,當日無視現實數據及資料,仲好意思話癲力抺黑。 今日兩位主持同患皮膚病,好快啲叫黃洋達俾錢睇皮膚科啦!難就難啲,都要試下!
熱血時報主持阿年,為咗爭取課金,竟然要同城門河污水玩遊戲!萬一發生咩事,真係唔知黃洋達點樣賠返個仔俾人! 點解唔好掂污水?就好似今年三月,上環一名婦人,就因為一滴廁所污水,而感染食肉菌。後來兩度截肢,18日終告不治。 而好多人都知,城門河一向污染嚴重。河水藏有大量受污染淤泥、死魚、重金屬物質、化學廢料,各種細菌等。 阿年除咗下半身浸落城門河污水(細菌可直接從肛門同性器入侵體內),節目內仲唔小心飲咗一啖河水,認真恐怖!
熱血時報個主持呀年,為左要賺取課金;一日到黑做小丑,做人做到冇半點尊嚴。 另一邊箱,同樣係熱時主持嘅呀Frank,Bonix,櫻嬸,就一邊嘆法國美食,一邊賺課金。認真同人唔同命!
有熱時主持,為左重奪人生自由;免於活於恐懼之下,可以決心離開邪教,值得敬佩。 但亦都有熱時主持,就算飽受欺凌、做大眾小丑、活得毫無尊嚴,都仍然對熱血時報忠心耿耿! 不過,呢位主持人阿年,經常都攻擊熱狗以外嘅人架喇,佢同時亦都係陳雲嘅死忠。咁佢慘唔慘?睇你點睇啦!